2017年4月24日 星期一

BCL 10分鐘打造大眼妝神器

呼...已經有一段日子沒有寫妝文，正確來說是已經有一段日子連妝都沒有化。
而今次收到日本BCL BrowLash EX 眼妝神器，令我有重新化妝返工出街的衝動，
因為夠快、靚、正，仲要價錢平~

整套眼妝神器包含了防水眼線液 (升級版)、防水兩用眉筆 及 梳型濃密纖長睫毛液。

BrowLash EX 防水兩用眉筆   HK$98 (共兩色 - 灰啡色及自然啡色)
24小時持久長效配方，防水、防汗、防油脂。
兩用設計，一邊是眉筆，另一邊是眉液，連筆刨都不需要用，不論帶返工用定去旅行用都好方便。

先用眉筆填補眉毛間的空隙，加深眉頭眉尾眉毛較少的部分，眉筆好順滑、易上色~
之後再用另一端的眉液勾劃出尖幼的眉尾，效果自然不誇張。
而且顏色都很大眾化，一般棕啡、啡金的髮色都岩用。
畫眉後用眉掃刷，亦不易掉色，5-6小時後眉色都仲keep到，同剛化完妝時分別不大呢!

BrowLash EX 梳型濃密纖長睫毛液   HK$105
24小時持久配方，防水、防汗、防油脂。
含5種美容精華成份，呵護每一根睫毛。
特別設計7行鋸齒排列梳型刷頭，可沾上大量睫毛液，讓每根睫毛更延長分明、不聚結。
快乾配方只需暖水便輕易卸落。

為咗比大家睇得清楚少少前後對比，所以次序調一調，先用mascara再用eyeliner。
7行鋸齒排列梳型刷頭都幾特別，按眼型的弧度而造出有微彎的刷頭，不易掂到 / 整污糟眼皮。
鋸齒排列梳型刷頭可以令睫毛液平均塗上每一條睫毛。
增長效果很好，而且根根分明，做到放大雙眼凡效果，但貪心的我希望濃密、捲曲多一點。
也可能因睫毛液比較濕，塗完會有少少drop，但到晚上眼底都沒有明顯變黑，都keep到。

BrowLash EX 防水眼線液 (升級版)   HK$75
通過24小時持久測試，防水、防汗及防油脂。
速乾易卸妝配方，避免妝物殘留，不會對眼睛造成負擔。
柔韌彈性筆尖，可輕易畫出順滑粗幼眼線，新手及化妝達人的好幫手

黑色的我用過很多，亦試過唔少既啡色liquid eyeliner，好多都有唔夠實色既問題，所以今次專登開枝啡色黎試。
估唔到BCL呢枝又OK喎，夠啡夠實色之餘，畫起黎仲好順、好易畫，要畫粗定幼都好易控制。
三兩下就搞掂，重點係唔會甩色，化足全日都冇暈染嘛!!


如果唔係要逐個step影，真係10分鐘都唔使就搞掂個眼妝喇。
兩用眉筆、眼線液、睫毛液3件加埋都係二百幾蚊咋，除咗好用，仲係好抵用!!
經開SaSa、Log on、Colourmix、Citi store、AEON、UNY及wishh既話買多一套擺係公司先。

產品由 BCL 提供

The End ! Thank you !

Email : fungling0131@gmail.com


Facebook Fan Page:

張貼者： 於 沒有留言:

2017年4月5日 星期三

SHISEIDO 日間高效抗斑美透白方案

而家科技進步，不止電子產品愈來愈高效、愈來愈多功能，
就連護膚品、化妝品一樣，你以為它只是一枝普通美白產品?
咁就錯喇~

SHISEIDO 去年將White Lucent美透白修護系列全面升級革新，今年再加入兩款新品，
分別為 淡斑遮瑕精華筆 及 日間美白乳液。
一身淡粉紅，正合少女心之餘，更配合了品牌以「塑造櫻花亮肌」的賣點，粉嫩透白。

White Lucent All Day Brightener N SPF 50+ PA++++   HK$460/50ml
嶄新的日間美白乳液，取材自第二層肌膚療程，形成離子薄紗，同時分段釋放高效成分，確保日間全天候發揮美白、保濕及防御三重修護。櫻花抗斑技術提升肌膚抗斑力；祛斑PRO方案的分段美白注入技術，讓美白乳液內蘊含的微囊慢慢分解，美白及抗氧化成分因而分段釋放及注入肌膚。美白乳液同時在肌膚表面層形成的透明離子薄紗可防止紫外線及空氣污染等環境傷害，保護肌膚。

美白乳液呈淡粉紅色，雖然有成SPF 50+ PA++++咁高防曬求數，但質地都仲好薄身，好易推開。
而且無難聞的化學味，清爽唔油膩，又唔乾。
重點係用完之後，真係可以修飾偏黃的膚色，仲有好自然透光既感覺，
全因乳液中既光感轉化粉末，能揉合光源轉化為粉末及珍珠粉末，反射光線，望埋去毛孔都冇咁明顯，有柔焦的效果呀~
好岩我平日返工唔化妝既時候用，就算化妝既日子，當埋base都得呀~

White Lucent OnMakeup Spot Correcting Serum SPF25 PA+++ 淡斑遮瑕精華筆   HK$290/4ml  (共三色)

採用尖端技術，集中修護膚色瑕疵部位，發揮亮白效果。可於塗抹粉底後使用，能促進表皮層新陳代謝， 膚色重現明亮。
除了櫻花抗斑技術，更利用祛斑PRO 方案的速效袪斑技術，應用高效美白成分4MSK及改良代謝成分N，局部改善膚色。
相比健康肌膚，色斑位置的蛋白質含量，即「角化因子」較少，影響新陳代謝，因此黑色素才會鎖於肌膚裡，無法排出；
而速效袪斑技術則發揮改善效果，促進新陳代謝。


這枝淡斑遮瑕精華筆，既可以美白，又可以遮瑕，仲有SPF 25防曬，集多功能於一身，
擺係化妝袋入面，補妝時再用都得，真正的化妝同時護膚呀!
顴骨近耳邊有幾粒比較大、較深色既色斑，就用黎試一試淡斑遮瑕精華筆。
我拿到的淡斑遮瑕精華筆是Medium，比我的膚色較深，所以我也不敢取太多份量。
扭淡斑遮瑕精華筆的尾部，會有卡卡聲，直至筆頭擠出遮瑕精華液，輕點在色斑，再用手輕輕印勻。
雖然淡斑遮瑕精華筆的顏色較深，我取的份量又較少，但依然有不錯的遮瑕效果。


產品由 SHISEIDO 提供

The End ! Thank you !

Email : fungling0131@gmail.com


Facebook Fan Page:

張貼者： 於 沒有留言:
訂閱： 文章 (Atom)